மரண தண்டனை விதிக்கப்பட்டுள்ள முன்னாள் பாராளுமன்ற உறுப்பினர் துமிந்த சில்வா, வைரஸ் காய்ச்சல் காரணமாக சில வாரங்களாக சிறைச்சாலைகள் வைத்தியசாலையில் சிகிச்சை பெற்று வருகின்றார்.
விமல் வீரவங்சவின் சகோதரரான சரத் வீரவங்ச மற்றும் பாராளுமன்ற உறுப்பினர் ஜயந்த சமரவீர ஆகியோரும் சிறைச்சாலைகள் வைத்தியசாலையில் சிகிச்சை பெற்று வருகின்றனர்.
அவர்களுக்கு நீரிழிவு நோய் ஏற்பட்டுள்ளதாக வைத்தியசாலைத் தகவல்கள் தெரிவிக்கின்றன.
இந்நிலையில், பாராளுமன்ற உறுப்பினர் லொஹான் ரத்வத்தேயும், சகோதரரான சானுக ரத்வத்தேயும் மருத்துவப் பரிசோதனைக்கு உட்படுத்தப்படவுள்ளதாகவும் தெரிவிக்கப்படுகின்றது.
எந்தவொரு கைதியும் சுகவீனமுற்றால் சிறைச்சாலை வைத்தியசாலையில் சிகிச்சை பெற முடியும் என சிறைச்சாலை வைத்தியசாலையின் பிரதம வைத்திய அதிகாரி லக்ஸ்மன் ஜயமான்ன தெரிவித்தார்.
எனினும், நீதிமன்ற உத்தரவு காணப்பட்டால் மாத்திரமே, கைதி ஒருவரை தனியார் மருத்துவமனையில் அனுமதிக்க முடியும் என அவர் சுட்டிக்காட்டினார்.
